Мәсетле районында юғалған 13 йәшлек үҫмерҙе пилотһыҙ аппараттар ярҙамында эҙләйҙәр
Мәсетле районында Әй йылғаһына балыҡҡа китеп юғалған үҫмер пилотһыҙ авиация системалары ярҙамында эҙләнә. Был хаҡта Ғәҙәттән тыш хәлдәр министрлығының Башҡортостан буйынса баш идаралығы хәбәр итә. Юғалған баланы эҙләүҙә Рәсәйҙең Ғәҙәттән тыш хәлдәр министрлығы көстәре һәм саралары-Өфөнөң эҙләү-ҡотҡарыу отряды водолаздары ҡатнаша. Алдан хәбәр итеүебеҙсә, Айыт ауылынан 13 йәшлек малай 8 ноябрь кисендә дуҫы менән балыҡ тоторға киткәндән һуң әйләнеп ҡайтмай. Бала батып үлгән тигән фараз бар. Ваҡиға урынында эҙләү эштәре алып барыла.
Название:
Мәсетле районында юғалған 13 йәшлек үҫмерҙе пилотһыҙ аппараттар ярҙамында эҙләйҙәр
Категория:
Новости и СМИ